محتااااااااره ابي استشاره ممكن :)

[حلاتي ابحركاتي]

يسعدلي مساكم وصباااحكم وين ما كنتو يا ربي

ندخل الموضوع سيييده لاني احترت جد شقوول هههههههه

امممم انا الحيين اخر سنه لي يعني ثانويه عامه وداخله علمي و بأذن الواحد الاحد باقيلي كوورس واتخرج
وانا محتااره لاني علمي وكل المجالات الي حاطتها ابالي مادري يعني انا ابي علوم سياسيه او حقوق و المشكله مالقييت الدعم من اهلي على هالمجاالين الكل يقوول انتي علمي دااشه تخصصاات ادبيه ومادري شنو من هالحجي :):) مو هني حيرتي لاني اذا ابي الشي راح اسويه لانه مستقبلي وحياتي ومحدله شغل

الي ابي اسأل فييه شنووو افضل التخصصات واقواها والي لها مستقبل لاني جد مو عارفه شنو ابي والي ابيه مو متأكده منه لاني بديت اكرههم من اهلي ههههههه جد مالهم مستقبل ومن هالكلام


يعني باقيلي كورس ويبدي تسجيل الجامعه وانا مادري شنو ابي ف اي نصييحه راح تفيدني واي راي راح ينفعني


ورااح اكوون شاكره لكم و ممنونه :):):Bg-190:

[الكلمة الأخيرة]

الله يعطيك العافية إن شاء الله

والله التخصص فيه حيره كبيره بمعناها.. والمجالين اللي انتي اخترتيها مجالات العمل فيها قليله بمعناها

وإذا انتي ياذوق ما عندك في بالك اتجاااه معين أو هدف انتي تطمحين له فبهالشي بيكون اختيارك لتخصص مفيد لمستقبلك بيكون اسهل

لأن بعض الناس تحصر نفسها في أماكن معينة وفي تخصصات بعينها تفقدها النظر في المجالات التي يحتاجها المجتمع وبيكون أسهل لهم في إيجاد عمل ومن هالشي بناء مستقبل طيب

وانتي علمي.. يعني عندك المجالات أكبر بكثير من هالمجالين اللي مشاكلهم كبيره وخاصة في الوقت اللي احنا عايشين فيه..

وطالعي سوق العمل عندك وشوفي المجالات اللي يحتاجها البلد عندك الله يرضى عليك وتخصصي في المجال الأكثر طلبا..

وانا اعتقد المجالات الصحية الان هي المطلوبه بشكل كبير.. مثل الطب والتمريض والاسنان عموما ممتازة جدا ولها مستقبل كبير...

وطبعا التخصصات التربوية فيه منها مواد نادر من يتخصص فيها.. وانتي علمي استغلي هالشي وتخصصي فيهم اذا تشوفين في نفسك المقدره عليها وعلى دراستها..

والله يوفقك إن شاء وينولك كل ما تحبين واعرفي إن والدينك الله يحفظهم لك ويحفظك لهم ويبلغهم في عرسك وفي عيالك وعرس عيالك ياربي.. ما يبون إلا مصلحتك إنتي وخبرتهم بهالدنيا ماشاء الله بارك الله أكبر مني ومنك..

وإن شاء الله إني قدرت افيدك بهالموضوع...

الله يسعدك ويبعد عنك كل مكرووه...