ياصاحبي..

[رفيقه الاحزان]

يا صاحبي ياللي تقول إنك تبغاني ما أبيك
ما بيك لو تذرف عيونك دم والله ما أباك
خلك مع اللي بعتني لاجله تظنه يشتريك
ما ينشرى من هو رخيص النفس يا مرخص هواك
فارق جعل العين متشوفك ولا تحسب اجيك
ما جيك لو ضامي وريقي ما يبله غير ماك
اعيش سكرات المنيه خير لي من أرتجيك
اعيش في قبري مع ميت ولا أحيا معاك
يامن عطيتك راس مالي قلبي ياللي هام فيك
يا من تمنيتك حلالي كنت أشوفك كالملاك
ذاك الملاك الطاهر اللي كنت أظنه يحتويك
يا محتوي كل المعاني الزايفه قربك هلاك
لو توصل انجوم الثريا لا تظن أرجع إليك
لو قلت لي قاسي فمن علمني القسوه سواك
يا واحدٍ عزيت شانه خاب ظني فيك
ما بين عيني رفعتك وانت داني مستواك
أرخصت ناسٍ ما تساويهم لاجل خاطر عينيك
كنت اصبح وامسي على كلمة أنا روحي فداك
حتي راحت روحي وباتت عيونك تشتكيك
النفس طابت واجزعت لما تكشف لي غطاك
يا خاين العشره تخون اللي بروحه يفتديك
تلعب على الحبلين تلعبها مع منهو غلاك
قالوا تراه ما يكمل ولا صدقت فيك
هذي حقيقة والمهم ماني بذاك اللي بغاك

.
.

[وردة العشاق]

يسلمووووووووووو على القصيده روووووووووعه بصراحه

[رفيقه الاحزان]

مشكووووووووره على الرد
واسعدني مرورك واذا كانت روعه
فأنتي الاروع